Na Copa da Costa... O Soneira de Vimianzo gañoulle a partida ao Ponteceso. Día de curro co micrófono radiovocesco... Hai que cumplir cos compromisos laborais, a pesares de que ao fútbol se xogue os domingos!

Mentiría se dixera que son un gran fanático do fútbol. Gozo cun bo partido e teño as miñas preferencias futbolísticas... pero cada vez son máis consciente de que o fútbol das "estrellas", das primeiras divisións, dos contratos millonarios, das televisións endebedadas... non vai a ningures. Xa non é deporte, é negocio. O que é deporte é o fútbol en categorías de base, en clubs de localidades que ofrecen aos seus veciños un espectáculo bonito a prezos "populares". O fútbol da Costa da Morte é un bo exemplo de deporte, pero tamén de espectáculo. O pasado domingo disputouse o partido de ida da final de Copa da Costa no campo do Pinguel en Ponteceso, entre o conxunto da vila de Pondal e o Soneira. O vindeiro domingo, a volta no municipal de Vimianzo. Toca pringar no curro e retransmitir os encontros, pero mentiría (de novo) se dixera quen non me gusta compartir o encontro cos veciños da Costa da Morte que gozan coa festa do fútbol da Costa. E mentiría (debe ser que son moi mentiroso definitivamente) se non dixera que compartir locución, entre outros, co ex árbitro galego máis internacional, Raúl García de Loza, é un verdadeiro luxo. O domingo máis e mellor en Radiovoz. Co meu colega José Manuel Ferreiro, da Voz de Galicia, saberemos quen levanta a Copa, a pesares de ser domingo de resaca. A partires das 18.30 horas no 99.8 do dial e en internet (www.radiovoz.com, lavozdeltrabajo.blogspot.com e en www.lavozdegalicia.es/carballo)

O domingo, no Pinguel, de esquerda a dereita, con José Manuel Mato (presidente do Ponteceso) e co alcalde da localidade (José Luis Fondo)

Mostra dunha mostra... Neste caso a Semana Verde de Galicia '09, no recinto feiral de Silleda:

Os traballadores do Concello de Corcubión sonche así. Véxase, por exemplo, o que escribiron nesta apetecible porta, minxitoriamente falando...


Ao final, mexei na casa.

Botan a Torreiglesias de TVE. Co ben que vivía... El e outros moitos que viven da chupancia dos medios de comunicación PÚBLICOS. PRIVATIZACIÓN XA!!!! (ou polo menos que non paguen cos meus impostos semellante vergonza mediática: cada cú que bote a súa merda!). Velaí vai a miña homenaxe a este gran comunicador...

O martes 28 de abril volvín a Cee. O meu Leite Río radiofónico. Vamos que volvín a orixe -acordádesvos non?-! (E de que maneira... técnico en exteriores+guionista+locutor... P*t* crise, bendita explotación)

Google Maps 2.0. A primeira versión aquí. Na imaxe de abaixo podedes ver a miña actual residencia... Se lle dades moito ao zoom ao mellor non me atopades en casa: ESTAREI CURRANDO MECAJINÁ!!!!

NOVA SECCIÓN...
Na columna dereita do blog podedes acceder aos contidos de Ecovoz, o programa medioambiental de Radio Voz. Na páxina web da Sociedade Galega do Medio Ambiente (Sogama) podedes escoitar os programas radiofónicos de concurso escolar realizados ata o de agora e ler as miñas publicacións en La Voz De Galicia descargando os archivos (frecha verde para descarga de audios en mp3 e logo de Adobe Acrobat para o .pdf)

O QUE UN ATOPA NOS GIGAS DUN DISCO DURO É SORPRENDENTE. Esta foto fíxome gracia!... Mes de xuño do ano pasado. A andaina radiofónica na Costa da Morte dun servidor, recentemente comezada naquel entón, suma un novo capítulo. Final de Copa da Costa entre Ponteceso e Cee no campo d'O Pinguel. Aquí me tedes (esquerda) cos alcaldes de Cee (Ramón Vigo, centro) e Ponteceso (José Luis Fondo, dereita) en plena retransmisión para a comarca de Bergantiños, Soneira e Fisterra! Xa pasou tempo dende aquela. Agora que estou de volta na casiña de vacacións creo que as cousas cambiaron moito en pouco tempo...

Remata o finde...

Que cagada!
P.D: Fun a Portugal e molou. Non foi ningunha merda. Nin moito menos!!!! A pesares da foto. For example en Valença do Minho (xusto despois da fronteira, atravesando a ponte e lindando con Tui), fermosas vistas...

"A vida é o que ocorre entre fin de semana e fin de semana": Non sei se esta cita ten dono. Pero senón, quédoma!
Saú2

NOVE MESES...
-CASTROS DA CIDÁ DO BORNEIRO (CABANA DE BERGANTIÑOS)


-BUÑO (MALPICA)

-FORNO DO FORTE, MUSEO SOBRE A OLERÍA DE BUÑO (MALPICA)

-CABO VILÁN (CAMARIÑAS)

-PARQUE EÓLICO DO CABO VILÁN (CAMARIÑAS)

-PASEO MARÍTIMO DE CAMARIÑAS

-MUSEO DE MAN EN CAMELLE (CAMARIÑAS)

-LIÑA DE COSTA EN CAMELLE (CAMARIÑAS)

-FARO C (CORCUBIÓN)

-CASTELO DO CARDEAL (CORCUBIÓN)

-CASTELO DE VIMIANZO

-PROBABLEMENTE O EDIFICIO MÁIS ESTREITO DE TODA A COMARCA DE BERGANTIÑOS, SONEIRA E FISTERRA. CORME (PONTECESO)

-PEDRA DA SERPE. CORME (PONTECESO)

-*APUNTE: O XALLAS É O ÚNICO RÍO DE TODA EUROPA QUE REMATA EN CASCADA. E FORMA A FERMOSA ENSENADA DE O ÉZARO (DUMBRÍA)

-O ÉZARO (DUMBRÍA) -SEICA ERA UN MAPA DA COSTA DA MORTE-

-NON SEI O QUÉ (A CARÓN DA IGREXA PARROQUIAL DE SANTA MARÍA DAS AREAS). FISTERRA

-MUXÍA

-PORTOZÁS NA FICCIÓN, LAXE NA REALIDADE

-VERDES (CORISTANCO)

-XA SON VECIÑO DE CARBALLO A ESTAS ALTURAS DA PELÍCULA (CENSADO E TODO). O SEU URBANISMO E A SÚA HORTOJRAFÍA NAMORÁRONME!

...NA COSTA DA MORTE

De campaña...

Xa que estamos en plena campaña electoral, vou aproveitar para facer a miña. A pesares de que os programas que xa fago en RadioVoz Bergantiños poden seguirse a través da rede. Falo de Voces de Bergantiños (de 8 a 11 horas e de La Voz del Deporte de 14.20 a 15 horas), pode dar pereza escoitalos a través do ordenador (ou non) xa que son comarcais. Recordade que tedes as webs da Voz de Galicia en Carballo -premendo "Escoita RadioVoz en directo"- e de RadioVoz -escollendo RadioVoz en Carballo- para poder facelo.

O caso é que este venres presento (e estreamos) o programa EcoVoz a nivel Galicia, co cal con poñer Radiovoz no voso transistor en calquera emisora podedes escoitar este programa. O seu horario os venres é de 16:05 a 16:35, e trátase dun programa sobre ecoloxía e medio ambiente con entrevistas e consellos medioambientais (repítese os sábados de 9 a 9:30 horas). Os sábados a partires da semana que ven comeza o Ecopreguntoiro, un programa-concurso no cal participan nenos e nenas de sexto de primaria de 16 colexios das catro provincias galegas. Emitirase de 12:30 a 13 horas. Vai sobre coñecemento do medio.

Recórdovos as distintas sintonías de RadioVoz:
-Bergantiños: 99.8 FM
-Costa da Morte: 106.9 FM
-Santiago: 106.1 FM
-Ourense: 101.4 FM
-Vigo (e agardo que chegue ao Morrazo): 103.8 FM
-Lugo: 105.6 FM
-A Coruña: 92.6 FM

O resto de emisoras podedes consultalas na web de RadioVoz, que por certo vai ser modernizada próximamente. Xa darei noticia deste feito. Aproveito a rede para agradecer ao equipo de RadioVoz Bergantiños o traballo que realizamos: Juanjo Vales, técnico e Jorge Varela, compañeiro de fatigas informativas. E tamén de paso agradecer a Casal, fotógrafo da Voz en Carballo as fotos que me sacou para a antes mecionada páxina web. Para mostra a que inclúo para rematar este post:

Deica! (e perdoade que non actualice con frecuencia pero afortunadamente traballo non me falta -que ganas teño de coller vacacións!-)

Onte ás nove da mañá faciánse públicos os datos referidos ao paro no mes de decembro. Por primeira vez na historia supéranse os 3 millóns de parados no estado (concretamente 3.198.079 homes e mulleres en idade de traballar non poden facelo). Non sei se iso de "año de nieves, año de bienes" -moito neva en Galicia hoxe- se vai cumplir. Dubídoo moito e precísanse solucións ao respecto.
Na comarca onde curro, a Costa da Morte, o paro está incidindo sobre todo no sector da construción, onde sube ata un 50%. 1.592 persoas están paradas en Bergantiños, Soneira e Fisterra. A crise chegou con creces. Que ninguén diga que os medios de comunicación somos alarmistas con respecto a isto.
A pesares de todo vou rematar con ironía referíndome ao sector da construción. Se fora por Manué, moitas empresas de demolición irían a quiebra. Ver para crer.

E di aínda por riba que está inspirado... ANIMALIÑO...

Quen dixo que só en Madrid e polo estado adiante se fan obras sen sentido? Na comarca de Bergantiños tamén se sabe delas. De cartos tirados en obras abandonadas e sen utilidade (polo menos de momento). A veciñanza de Carballo amosa o seu parecer con vídeos de crítica constructivo-destructiva. Pasen e vexan:

Aínda que xa chego algo tarde como para tratar o asunto, posto que para os que vivimos pendentes da actualidade o Plan Galego de Acuicultura, aprobado polo Consello da Xunta o pasado mes de agosto, xa pasou, voume permitir o desafogo de expresar brevemente ou mellor dito, gráficamente, o que opino do mesmo. Voume servir do exemplo da piscifactoría que a empresa Stolt Sea Farm ten en Cabo Vilán, en Camariñas. Conta con máis plantas deste tipo en Merexo (Muxía) e en Quilmas (Carnota), sendo por iso e polos seus despidos inxustificados de empregados/as moi querida na Costa da Morte...
Érase unha vez un fermoso lugar, na sempre inquitante Costa da Morte:

Reduzo zoom e cambio teleobxectivo por gran angular para que o vexades mellor:

Un bo día, alguén (políticos e empresariado) tivo a gran idea de instaurar alí unha piscifactoría. Daría emprego a moita xente e xeraría moita riqueza -escoitábase nas televisións e nas radios dos veciños do lugar-. Os impulsores (da idea?, da ocurrencia?, do nabo?, do grelo?...) non se pararon a pensar que quizais axudando á pesca doutro xeito, fomentando as artes de baixura, renovando os fondos mariños para non esquilamalos, etc. habería outras solucións para volver facer do sector pesqueiro, algo rendible economicamente. E isto foi o que fixeron rotando 180º sobre o voso eixo con respecto á imaxe anterior:

Por se acaso non se aprecia claramente o ben que queda a piscifactoría neste emprazamento doulle ao zoom a cañón:

Definitivamente esta picifactoría está "buenorra". Unha delicia vela en calquera pafeto marcando cemento e plastiquete. Que ben lle acae calquera cousa... Ay omá! que rica!!
ESTA ABERRACIÓN CHÁMASE PISCIFACTORÍA. E O PLAN GALEGO DE ACUICULTURA QUERE FACER MÁIS XUSTIFICANDO A CONSTRUCIÓN EN XERACIÓN DE EMPREGO (?) E DE RIQUEZA (?). TOCOULLE ELABORALO AO BIPARTITO, PERO O MESMO FIXO NO SEU MOMENTO O PP (AÍNDA SE QUEIXAN DA MARCHA DA MAIOR E MELLOR PLANTA PISCÍCOLA DE CABO TOURIÑÁN (PROXECTADA EN MUXÍA) A PORTUGAL. GRACIAS, TOURIÑO. GRAZAS, QUINTANA. AH!...

Que razón teñen en Camelle... Se Man erguera a cabeza...

Canto boto de menos os meus tempos de universitario...

Con este "striptís" comezou o curso na Escola de Arquitectura Técnica de A Coruña. Supoño que a clase iniciática iría de monumentos. E seguro que nesta primeira clase a afluencia do alumnado foi masiva. Vai ser difícil agora manter as cotas de asistencia. Unha clase práctica como en calquera outra facultade de arquitectura na que os alumnos aprenden a dureza da viga, piar básico á hora de construír. En fin, unha mostra arquiTETÓNICA moi aconsellada no comezo do curso.

Agora en serio. Isto é unha p*t* vergonza que dá mostra do tipo de ensinanza universitaria que se está impartindo en Galicia e polo estado adiante. As tres universidades galegas son máquinas de emprego para moitos e moitas inútiles. Tres universidades coas súas aulas baleiras e os despachos cheos de profesores e demais funcionariado cómodamente apoltronado. Tres universidades con non sei cantos campus para que a todos nos quede preto da casa unha facultade? Se a cambio este é o tipo de ensinanza que se imparte imos de cú. Tres universidades, as galegas, con másters, programas de doutoramento e de investigación cuxos títulos non poderían ser empregados nin coma papel hixiénico -no seu 99.9%-. Nin iso, o papel hixiénico non merece semellante comparación.

A pesares de todo, sigo botando de menos a universidade. Como rañei o bandullo no meu Santiago natal estudando 2 meses de cada 9 e con 3 meses de vacacións por curso. É certo que hai carreiras máis compricadas ca outras e certo profesorado válido. Pero o modelo universitario actual dá noxo. As matrículas son cada vez máis caras e prímase menos ao estudante que realmente o é. En favor dunha mediocridade xeral cada vez máis pronunciada. Supoño que en tempos de crise económica hai que replantexarse tamén o sistema universitario. Especialmente o galego.

Versión 2.0: Os deportes...

Aquí me tedes comandando unha das tertulias semanais -de luns a venres- de Voces de Bergantiños en RadioVoz. Programa que se emite entre as 8 e as 11 da mañá...

Lamento a mala calidade de imaxe, saqueina da web da Voz de Carballo. Aquí vos deixo un enlace por se queredes ler a nota publicada ao respecto
Saú2!

Dende hai un tempo fago en Radiovoz o Magazine Voces de Bergantiños. Entre as 8 e as 11 da mañá. Podedes escoitalo por internet, seleccionando "escucha Radiovoz". Compleméntoo cos deportes porque dende hai tempo o compañeiro que o facía marchou e de momento os mandamases aínda non decidiron se me quedo eu no Magazine, tómándolle o pulso á actualidade da comarca de Bergantiños, Soneira e Fisterra ou fago só os deportes e o informativo. É dicir, fago todo. Sen comentarios.
Déixovos no seguinte enderezo unha entrevista que mantiven no programa co Vicepresidente da Xunta de Galicia, Anxo Quintana, falando da rede de galescolas e do plan acuícola. Accederedes a unha web onde está aloxado o arquivo en mp3. Premede descarga gratuita e seguide os pasos. É fácil a pesares de estar en inglés. Un saúdo.

ENTREVISTA A ANXO QUINTANA

O meu primeiro coche: Citroën Xsara 2.0 HDI Image, color burdeos:

A pesares de ser xa un coche veterano ten un moi bo motor, con 2.000 cc e 90 cabalos que o certo é que parecen moitos máis. De feito a tecnoloxía "HDI" de motores diesel con turbo e intercooler que empregan moitos modelos actuais de PSA Peugeot Citroën, naceu con este motor, moi fiable. Ten unha media de consumo de gasoil de 5,7 litros/100km (que polos kilómetros que lle levo metido parece ser certa). No que se refire a equipamento, é bastante completo, tendo en conta que o merquei de segunda man: 4 airbags (2 frontais e 2 laterais), frenos de disco ás catro rodas, elevalunas e espellos eléctricos, e peche centralizado con mando. E o máis importante; lévame e tráeme que é o que quería.

Este post non vos recorda a este outro?
Saú2