Entrambosmundos, por fin na rede. O meu amigo e realizador audiovisual Roberto Conde fixo unha interesante curtametraxe na semana santa do 2006. As labores de produción encargoullas a Iago García (eu mesmo) e a dirección de fotografía correu a cargo de Noa García, de grande gusto pola estética. Nela Breixo (Adrián Novoa), o seu protagonista, esperta un día nunha idílica aldea do rural galego... Mais non todo é o que parece...
Eu gardo un moi grato recordo da rodaxe, no lugar de Entrambosríos, no Concello d'A Merca en Ourense. Aqueles días que para esa aldeíña eran de vacacións e nos que Roberto, Noa e mais eu andabamos de aquí para alá tentando que o producto final quedara á altura do espírito colaborador de tódalas persoas que nos axudaron -tamén houbo tempo para a festa, por suposto-. Se esta curta foi a terceira mellor na Gala GZCREA2006, que premia o labor da mocidade en diversas artes, foi en grande parte gracias a tod@s os que nos axudaron. As fotos que engado nesta entrada son daquelas datas.
Recentemente acabo de subila curtametraxe a YouTube para que tod@s disfrutedes dela... Velaquí vola deixo!